Judith Porch FSSI
Mae cydweithwyr a dysgwyr y Gwasanaeth Dysgu Gydol Oes yn falch o'u tiwtor Caligraffeg hirsefydlog a thalentog iawn, a'u Harweinydd Dysgu Oedolion yn y Gymuned, Judith Porch. Pleidleisiwyd Judith yn Gymrawd y Gymdeithas Ysgrifenyddion ac Addurnwyr (CYA) yn ddiweddar. Y Gymdeithas Ysgrifenyddion ac Addurnwyr yw'r Gymdeithas Galigraffeg hynaf a mwyaf enwog yn y DU (dros 100 mlwydd oed). Judith yw'r 42ain Gymrawd ar draws y byd ac mae'n un o bedwar yng Nghymru. Mae'r safon ar gyfer cyrraedd Cymrodoriaeth mor uchel, Judith oedd y cyntaf i wneud cais ers 11 o flynyddoedd.
Mae Judith wedi gweithio tuag at Gymrodoriaeth ers nifer o flynyddoedd, ac yn ddiweddar arddangosodd ei gwaith yn Art Workers Guild yn Llundain. Cafodd yr holl Gymrodorion y cyfle i astudio ei gwaith cyn pleidleisio i dderbyn Judith i'w Gymrodoriaeth enwog. Roedd y canllawiau ar gyfer y gwaith yn llym, gydag un darn yn gofyn am 'lythrennau diaddurn' - llythrennau plaen du ar gefndir gwyn heb unrhyw addurniadau. Roedd Judith wedi creu panel hyfryd ar Burges y Pensaer a greodd Castell Caerdydd a Chastell Coch. Roedd y darn hwn o waith yn unig wedi cymryd dros 200 o oriau i'w gwblhau ac mae'n cynnwys aur uchel, aur coch, aur gwyrdd, aur gwyn ac aur melyn yng nghanolbwynt nenfwd yr Ystafell Arabaidd. Mae'r fideo byr hwn yn arddangos sgiliau a chelfyddyd ei gwaith:
Roedd Judith wedi hyfforddi ym maes Caligraffeg, Herodraeth a Goliwiad yn Ysgol Gelf a Dylunio Reigate rhwng 1986 a 1988 ac mae hi wedi bod yn addysgu Caligraffeg ar gyfer y Gwasanaeth Dysgu Gydol Oes ers 1989. Mae Judith hefyd wedi gweithio fel Uwch-swyddog Datblygu Dysgu ar gyfer y gwasanaeth ers 2004. Mae Judith wedi cwblhau 18 o sgroliau Rhyddid er Anrhydedd y Ddinas ar gyfer Cyngor Abertawe ers 1989. Roedd y ddwy ddiweddaraf ar gyfer Kev Johns a Changen Abertawe Cymdeithas y Llynges Fasnachol ac roedd y darnau hyn yn ffurfio rhan hanfodol o'i chais am Gymrodoriaeth.
Roedd Judith yn aelod sefydlu Ysgrifwyr De Cymru ac mae'n annog ei dysgwyr i ymuno â'r grŵp rhanbarthol hwn i gefnogi eu cynnydd. Dewiswyd gwaith Judith ar gyfer 5 Arddangosfa Caligraffeg Genedlaethol ar gyfer Cymdeithas Celfyddydau Llythrennau Caligraffeg (CLAS) a'r Gymdeithas Ysgrifenyddion ac Addurnwyr (CYA). Mae rhai ohonynt yn ffurfiol iawn ac mae rhai yn flaengar iawn ac yn defnyddio papur thermocromig.
Gofynnwyd i Judith ddysgu gweithdai ar gyfer grwpiau rhanbarthol ar draws y DU yn rheolaidd ac mae'n parhau i ddysgu Caligraffeg ar gyfer y Gwasanaeth Dysgu Gydol Oes, gan rannu ei sgiliau a'i thalent unigryw a rhannu ei brwdfrydedd dros Galigraffeg gyda dysgwyr presennol a rhai newydd.