Dysgu Oedolion a Chymunedol
yn Ardal Abertawe

Dysgwyr disglair yn nigwyddiad dathlu Partneriaeth Dysgu Oedolion Abertawe

Yr wythnos hon, cynhaliwyd digwyddiad i arddangos gwaith oedolion sy’n ddysgwyr er mwyn dathlu Partneriaeth Dysgu Oedolion Abertawe (ALPS). Cafodd y digwyddiad dathlu ei gynnal ar 7 Tachwedd ochr yn ochr â digwyddiad cynllunio UNESCO. Mynychodd grwpiau dysgu ffurfiol ac anffurfiol y digwyddiad er mwyn helpu i gynllunio dathliadau degfed pen blwydd Dyfarniad Dinas sy’n Dysgu UNESCO.

Cafodd ymwelwyr gyfle i sgwrsio â myfyrwyr gan ddysgu am y gwaith celf a oedd yn hongian ar waliau Neuadd Siôr yn Neuadd Brangwyn. Cyflwynwyd yr holl waith a arddangoswyd gan oedolion sy’n dysgu ar draws Abertawe.

Ariennir Partneriaeth Dysgu Oedolion Abertawe (ALPS) gan Lywodraeth Cymru a bwriad y bartneriaeth yw annog amrywiaeth o sefydliadau blaenllaw i weithio gyda’i gilydd i gynnig cyrsiau achrededig ac achrededig hyd a lled Abertawe, er mwyn diwallu anghenion amrywiol dysgwyr.

Hoffem ddiolch yr holl fyfyrwyr a staff sy’n rhan o’r bartneriaeth am rannu eu gwaith gwych ac am roi o’u hamser i fynd i’r digwyddiad.

darllenwch yr erthygl lawn

Darpariaeth Cymraeg a Dwyieithog yn Abertawe

Dros fisoedd yr haf, mae rhai o aelodau ein tîm wedi bod yn bresennol mewn nifer o ddigwyddiadau sy’n hyrwyddo’r defnydd o’r Gymraeg a darpariaeth Ddwyieithog, sy’n gymorth i gefnogi strategaeth Cymraeg 2050 Llywodraeth Cymru i gyrraedd miliwn o siaradwyr Cymraeg erbyn 2050.

Rydym wedi gwneud y fideo isod i ddangos ymrwymiad parhaus Addysg Oedolion Cymru i ddarpariaeth Cymraeg a Dwyieithog yn Abertawe, wrth gefnogi dysgwyr yn yr ardal i ymgysylltu gyda’r iaith ac i wella eu sgiliau iaith.

Mae'r fideo hefyd wedi rhoi cyfle i ni amlygu sut mae ein mentrau Cymraeg a Dwyieithrwydd dros Gymru gyfan yn cael eu gweithredu 'ar lawr gwlad' yn lleol.

Mae’n fideo hynod o ddiddorol ar sut rydym fel sefydliad yn gweithio tuag at ‘Cymraeg 2050’ gyda’n dysgwyr, tiwtoriaid a phartneriaid tuag at ymgorffori’r Gymraeg yn y cwricwlwm.

- Addysg Oedolion Cymru

Y newyddion diweddaraf o’n Dosbarthiadau ESOL yn ein Hwb Dysgu yn Abertawe!

Mid Medi yw dechrau’r flwyddyn academaidd newydd yma yn ‘Hwb Dysgu Abertawe’ AOC, ac yn ei lleoliadau eraill yn y gymuned – yr YMCA a Chanolfan Pobl Fyddar Abertawe.

Eleni, rydym yn rhedeg 6 dosbarth amser llaw, 15 dosbarth rhan amser, 3 dosbarth ESOL â chyd-destun penodol yn ogystal ag 8 o wahanol ddosbarthiadau yn y gymuned sydd wedi’u sefydlu ar y cyd â’n partneriaid – Canolfan y Gymuned Affricanaidd a SASS.

Mae dysgwyr o 25 o wledydd gwahanol wedi cofrestru i gyfranogi yn ein cyrsiau!

Dywedodd Sam Al-khanchi, ein Cydlynydd Datblygu’r Cwricwlwm yn Abertawe, “Mae’r wych bob amser cael croesawu dysgwyr newydd a rhai sy’n dychwelyd! Bob blwyddyn, byddwn yn ceisio sicrhau bod y profiad dysgu yr ydym yn ei gynnig yn well fyth!!”

- Addysg Oedolion Cymru

darllenwch yr erthygl lawn

Alan, Goroeswr Strôc, Yn Ysbrydoli Eraill Gyda'i Bositifrwydd

Mae penderfyniad Alan Hardie i aros yn bositif a chadw'i ymennydd yn actif ar ôl dioddef strôc ddwy flynedd yn ôl yn 56 oed yn ysbrydoli pawb mae'n cwrdd â nhw.

Yn wreiddiol, gadawodd y strôc Alan, 57, sy'n byw yn Nhregŵyr, Abertawe, gyda gwendid ochr dde ac anawsterau lleferydd ysgafn. Mae'n parhau â'i therapi ei hun i wrthsefyll anawsterau symudedd.

Roedd yn teimlo'n ynysig nes iddo ymuno â dosbarth ysgrifennu creadigol i oedolion a gynhaliwyd gan Wasanaeth Dysgu Gydol Oes Dinas a Sir Abertawe yn Llyfrgell Gorseinon y llynedd.

Clywodd am y dosbarth gan Grŵp Goroeswyr Strôc Abertawe ac mae'n dweud bod ysgrifennu am ei strôc ac anhwylder straen wedi trawma (PTSD) wedi bod yn "hynod o gathartig".

I gydnabod ei daith ddysgu gydol oes, mae Alan wedi cael canmoliaeth uchel yng Ngwobrau Ysbrydoli! Addysg Oedolion 2024.